
ᐱᓕᕆᐊᒃᓴᑦ ᓇᖕᒥᓂᖁᑎᒋᔭᐅᔪᒧᑦ
ᐆᑐᕙᒃ ᖃᐅᔨᒋᐊᕐᕕᖃᕐᓂᖅ ᑎᒥᖓ ᐃᑲᔪᖃᑦᑕᖅᐳᑦ ᐃᖅᑲᓇᐃᔭᖃᑎᑦᑎᓐᓂᒃ ᑐᑭᓯᒋᐊᒃᑲᓂᖅᑎᓪᓗᒋᑦ ᐃᓄᐃᑦ ᐃᓕᖅᑯᓯᖓᓂ ᐊᑐᐃᓐᓇᐅᑎᑦᑎᓗᑎᒃ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᓂᒃ, ᐱᔨᑦᑎᐅᑎᓂᒃ ᐊᒻᒪ ᑐᑭ ᓕᐅᖅᐸᒃᖢᑎᒃ. ᐱᓕᕆᖃᑎᖃᑦᑎᐊᖅᓯᒪᕗᒍᑦ ᐊᕐᕌᒍᑦ ᖁᓕᑲᓴᖕᓂᑦ ᐋᖅᑮᓯᒪᓪᓗᑎᑦ ᐅᓂᒃᑳᓕᐊᓂ, ᓴᖅᑭᔮᖅᑎᑦᑎᓂᒃᑯᑦ, ᑐᑭᓕᐅᖅᓯᒪᔪᐃᓐᓇᐅᓪᓗᑎᒃ ᐃᑭᐊᕿᕖᑦ, ᖃᕋᓴᐅᔭᒃᑯᑦ ᐃᓕᓐᓂᐊᕈᑎᓂᒃ ᐊᒻᒪ ᐃᓄᖕᓂᑦ ᑕᑯᔭᐅᔪᓐᓇᖅᑐᓂ ᑎᑎᖅᑲᑎᒍᑦ ᐅᖃᐅᓯᒃᓴᓂᒃ. ᐊᐱᖅᑯᑎᖃᕐᓂᕈᕕᑦ ᖃᓄᑐᐃᓐᓇᖅ ᐊᐱᕆᖃᑦᑕᖅᑎᒍᑦ?


ᐅᓂᒃᑳᖃᒐᓛᒡᓗᖓ ᐅᕙᓐᓂ
ᐃᓅᔪᖓ ᓄᓇᕗᒻᒥᙶᕐᓂᑰᓪᓗᖓ ᓄᓇᖃᖃᑦᑕᖅᓯᒪᓪᓗᖓ ᐅᑭᐅᖅᑕᖅᑐᒥᑦ ᐊᒻᒪ ᖃᓪᓗᓈ ᓄᓇᖓᓂ ᑲᓇᑕᒥᑦ. ᐊᐅᓪᓚᕈᓘᔭᖃᑦᑕᖅᓯᒪᓂᑰᕗᖓ ᓄᓇᑦᑎᓐᓂ, ᑲᓇᑕᒥᑦ ᐊᒻᒪ ᓯᓚᕐᔪᐊᒥᑦ. ᐃᓱᓕᑦᑎᓯᒪᕗᖓ ᓯᓚᑦᑐᖅᓴᕐᕕᒡᔪᐊᒥᑦ, ᓇᓕᖅᑲᑖᖅᓯᒪᕗᖓ, ᐊᒻᒪ ᐃᓕᓴᕆᔭᐅᔾᔪᑎᑖᖅᓯᒪᓪᓗᖓ, ᐱᖃᑕᐅᕗᖅ ᖁᕕᐊᒋᔭᖃᖅᑐᖓ ᐃᓕᓐᓂᐊᕆᐊᒃᓴᖅ ᐃᓄᐃᑦ ᐃᓕᖅᑯᓯᖓᓂ, ᐃᓱᒪᔾᔪᓯᖏᓐᓂᒃ, ᑮᓇᐅᔭᓕᕆᓂᕐᒥᑦ, ᐊᒻᒪ ᐅᖃᐅᓯᕐᒥᑦ. ᐊᔾᔨᐅᙱᑦᑐᒥᑦ ᑐᑭᓯᓂᖃᖅᓯᒪᕗᖓ ᐃᓕᖅᑯᓯᐅᔪᓂ ᐱᕈᖅᓴᓯᒪᓂᑰᓪᓗᖓ ᐊᔾᔨᒌᖏᑦᑐᓂ ᐃᓕᖅᑯᓯᓕᖕᓂᑦ ᐃᓚᖃᖅᑐᖓ, ᐱᓇᓱᐊᒐᕆᔪᒪᕙᕋ ᑐᓴᐅᒪᑎᑦᑎᖃᑦᑕᕐᓗᖓ ᓱᓕᔪᓂᑦ ᖁᕕᐊᓇᖅᑐᓂ ᐊᒻᒪ ᑐᓴᕈᒥᓇᖅᑐᓂᑦ ᐃᓄᐃᑦ ᐃᓕᖅᑯᓯᖏᓐᓂᑦ, ᐅᖃᐅᓯᖏᓐᓂᑦ ᐊᒻᒪ ᐃᓅᓯᕆᓚᐅᖅᓯᒪᔭᖏᓐᓂᑦ. ᑕᒪᓐᓇ ᐊᑐᕆᐅᕐᓂᕆᓂᐊᖅᑕᕋ ᐊᒃᓱᐊᓗᒃ ᖁᕕᐊᒋᕙᕋ ᐊᒻᒪ ᐅᐱᒋᓪᓗᒍ ᐃᓕᔅᓯᓐᓄᑦ ᐅᖃᐅᓯᕆᔪᓐᓇᕋᒃᑯᑦ. ᖁᔭᓐᓇᒦᖅᐳᖓ ᐊᖏᔪᐊᓗᖕᒥᑦ ᐅᖃᓕᒫᕈᓐᓇᕋᕕᐅᒃ ᑎᑎᕋᖅᓯᒪᔭᒃᑲ. ᐊᓃᑕ ᐆᑦᑐᕙᒃ




